Google ADS

Asnjë i zhdukur gjatë luftës së fundit s’është identifikuar në Podujevë që gjashtë vjet

20:33 | 30 Tetor 2018
Arbresh.info

Ka gjashtë vjet që në Komunën e Podujevës nuk është identifikuar asnjë person i zhdukur gjatë luftës së fundit në Kosovë.

Nga 85 persona, deri më tash janë identifikuar vetëm 45, raporton KTV.

Shpresa për t’i gjetur trupat e tyre nga familjarët, asnjëherë nuk është shuar.

Instituti i Mjekësisë Ligjore ka dy ditë që ka nisur gërmimet në këtë hapësirë në fshatin Majac, ku dyshohet se është varrosur njëra nga viktimat.

Të afërmit e viktimës po presin në ankth për ndonjë rezultat.

Kryetari i Shoqatës së të zhdukurve në këtë komunë, Latif Mehmeti, ka theksuar se çështja e të pagjeturve duhet të jetë prioritet i autoriteteve kosovare.

Sipas tij, deri më tash nuk është punuar sa duhet në këtë drejtim.

Familjarët 20 vjet pas luftës janë në kërkim të trupave dhe eshtrave të të afërmve të tyre, të cilët vazhdojnë të figurojnë në listat e personave të pagjetur, e që sipas Kryqit të Kuq, janë 1647.

 

Shpërndaje në rrjete sociale

Lajmet më të lexuara

Të ngjashme

Foto lajm